أبوذیّات فراق ألأحباب
علیک أحزن و أحزن إلحزن بلمای
إبنوحی إعلیک أغرگ إلوجن بلمای
شله بإلبحر ظل ممتحن بلمای
إبجزیره إو لا أجد منغذ إلیّه
...
صباح إلخیر أمسّیلک وحیّاک
أحبّک و أحب من حبّک وحیّاک
وحق إلبلعته إلحوته وحیّاک
أبد منساک ذچرک عن علیّه
...
ضباب إجفاک ضر إلعین وحتار
إبغیابک جسمی داوی إبنار وحتار
إلطبیب إلفصح گلبک حار وحتار
إلمعین أللّه یشافی إلبیه أذیّه
...
یسلّی إلروح عطرک کشف فرگاک
إلگلب حبّک إو من کل بشر فرگاک
فرق بین إلعشیره إو بین فرگاک
إفراگک صعب ما ظل حیل بیّه
...
إبعدت عنّی إو سلبت إلعگل مارد
إو نزل ضیم إلفراگ إبأسف مارد
عطش گلبی إبغیابک صرخ مارد
إلعطش مو مای ترجع حی إلیّه
...
إشحلو گعدتنه بإلمکصر وکت فای
إعلی راگ إلشط إو ذکر إلبط وکت فای
شلت همّی علی إمتونی وکتفای
إلحمل لو جبل کاره إیصیر إلیّه
...
إعتنیت إو حامل أفراحک وراداک
إلعریضی إبنص درب حافک وراداک
بطیت إو مختنگ گلبی وراداک
أصبره إشلون إذا حتّم علیّه
...
صدیق إلصوّریته إبقاب و کتاب
إعلی شانه إلگلب من کل باب وکتاب
إلچنت حاسبله ألف إحساب وکتاب
تعجبت إبکلامه إلرد علیّه
...
یچلچل گلبی بچلاچه و چلچل
یچیل إچیاله چیلاته وچلچل
چریم إیچیّم إمچمچم وچلچل
یچوّم بإلچوم چیمه إبچمیّه
...
یگلبی إفتخر بإلضافک وعنباک
لئیم إلساوم إبسلتک وعنباک
زیل إلخسّه و إلبسّه وعنباک
إلصدگ لهل إلصدگ شیمه إو حمیّه
...
شلتاقه إبمرضهه إتفشق هامات
نهت أم إلطبیب إبموت هامات
إلطبیب إلثانی إبوه هم نشق هامات
خایف من تجینی إتعم علیّه
...
جاسم ثعلبی ألحسّانی 24/12/1400
:: برچسب‌ها:
أبوذیّات فراق ألأحباب ,
:: بازدید از این مطلب : 4297
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
